निर्वाचित भएको २० दिनपछि वडाध्यक्षले गरे पदभार ग्रहण

न्यूज ब्यूरो, जनकपुरधाम । धनुषाको एक नव निर्वाचित वडाध्यक्षले निर्वाचित भएको झण्डै २० दिनपछि पदभार ग्रहण गरेका छन् ।

धनुषाको विदेह नगरपालिका वडा नम्बर ५ का नव निर्वाचित वडाध्यक्ष राधेश्याम गोईतले आईतबार विधिवत रुपमा पदभार ग्रहण गरेका छन् ।

विदेह नगरपालिकाका मेयर बेचन दासको विशेष उपस्थितिमा वडाध्यक्ष गोईतले पदभार ग्रहण गरेका हुन ।

आईतबार बिहान एक समारोहको आयोजना गरी नव निर्वाचित वडाध्यक्ष राधेश्याम गोईतको अध्यक्षता तथा नगर प्रमुख बेचन दासको प्रमुख आतिथ्यमा पदभार ग्रहण गरी कार्य सँचालन गरेका हुन् ।

सो कार्यक्रममा नगरपालिकाकी उपप्रमुख आशा देवी झाको विशेष उपस्थितिमा वडाध्यक्ष गोईतले गाउँलेहरुको रोहरबमा कार्यभार सम्हालेका हुन् ।

कार्यक्रमलाई सम्बोधन गर्दै वडा अध्यक्ष गोईतले भने विदेह नगरपालिका वडा नम्बर ५ का आम जनता मतदातालाई धन्यवाद ज्ञापन गर्दै भने–“पदभार सम्हाले पछि म आफ्नो जिम्मेवारीबाट कहिले पछाडि हटदिनन् ।”

जनताको काम नै मेरो प्राथमिकतामा रहेको उनले थपे । यस्तै कार्यक्रममा प्रत्याशी मेयर राजकिशोर रोहिता यादव, पूर्व वडा अध्यक्ष विजय गोइत, संजय यादव, सुनिल मण्डल, सन्तोष यादव लागयत बुद्धिजिवी, नागरिक अगुवा, स्थानीय लगायत सम्पुर्ण वडा सदस्य, कर्मचारीहरुको सहभागी रहेको थियो ।