सरकारी स्कूलको सुधार मेरो पहिलो प्राथमिकताः वडाध्यक्ष यादव

न्यूज ब्यूरो, जनकपुरधाम । पूर्वी धनुषाको कमला नगरपालिका वडा नम्बर ४ का नवनिर्वाचित वडाध्यक्ष पप्पु यादवले वडाको शिक्षा सुधार पहिलो प्राथमिकता रहेको बताएका छन् ।

शुक्रबार वडाध्यक्षको पदभार ग्रहण गर्दै वडाध्यक्ष यादवले वडामा देखिएको विद्यालयको अवस्था सुधारको लागि लामो प्रयास गरेपनि अधिकार नहुँदा सबलीकरण गर्न नसकेको भन्दै शिक्षालाई पहिलो प्राथमिकतामा राखेको बताएका छन् ।

वडामा रहेको समुदायिक विद्यालयमा अल्पसँख्यक, सीमान्तकृत, गरिबको बालबालिकाहरुको उचीत र मोटो पहुँच बनाउनको लागि नयाँ योजना तहत काम गर्ने बताए ।

दिवाखाजामा सुधार, विद्यालय भवनको मर्मत सम्भार, विद्यालयमा पढाउने शिक्षकमाथि कडा निगरानी, डिजिटल हाजिरी, निरन्तर अनुगमन गरी विद्यालयको अवस्था सुधार गर्ने बताएका छन् ।