धनुषाधामका मेयरको दोस्रो कार्यकालको निर्णयः जन्मदर्ता, मृत्यूदर्ता, विवाहदर्ता निःशूल्क

न्यूज ब्यूरो, धनुषाधाम । मधेश प्रदेशको धनुषाधाम नगरपालिकाका दोस्रो पटक निर्वाचित मेयर बालेश्वर मण्डलले पहिलो निर्णयमा नगरका जनताका लागि जन्म दर्ता मृत्यु दर्ता वापत लाग्दै आएको सिफारिस शूल्क नलिने निर्णय गरेका छन् ।

दोस्रो कार्यकालको जिम्मेवारी थप चुनौतीपूर्ण हुने बताउँदै उनले यो कार्य पहिलेकै कार्यकालमा गर्नुपर्ने भएपनि आन्तरिक राजस्वलाई मध्यनगर गर्दै सो गर्न नसकेकोमा जनताले विश्वास गरेपछि अबदेखि कुनै पनि सिफारिस शुल्क नलिने बताए ।

“मलाई धनुषाधाम नगरका जनता मलाई दोस्रो कार्यकालका लागी जिम्मेवारी दिदा म ठूलो ऋणी भएको छु । मैले आफ्नो कार्यकालमा मनोभावना बुझी जनता संग हिड्ने प्रयास गर्नेछु ।”– उनले भने ।

हिन्दुधर्मावलम्बीको विधिविधान अनुसार पुजापाठ गरी बुधबार पदभार ग्रहण गर्दै मेयर मण्डलले शुभसाईत ११ः१५ को समयमा नगरपालिका प्रवेश गरिएको थियो ।

सपथा ग्रहण ,बिदाई तथा स्वागत कार्यक्रम एक कार्यक्रम नव निर्वाचित उपमेयर वडा अध्यक्ष सद्स्यहरुलाई मेयर मण्डलले सपथ ग्रहण पनि गराए ।

नगरपालिकाकै प्रांगणमा खुल्ला सभामा कार्यक्रम समेत गरिएको थियो। सो कार्यक्रमको संचालन निमीत प्रमुख प्रशासकीय अधिकृत संजित प्रसाद दासले गरेका थिए ।

सो कार्यक्रममा नव जनप्रतिनिधिहरु आफ्नो विचार सुझाव लगायतका विषयहरु मन्तव्य राखेका थिए ।

सो कार्यक्रममा नगरभरिका विभिन्न पार्टीका निर्वाचनमा भाग लिएका उम्मेदवारहरु लाई सम्मान समेत गरेका थिए ।