मधेशका मुख्यमन्त्री राउतले जनकपुरमा सुने रामकथा

न्यूज ब्यूरो, जनकपुरधाम । मधेश प्रदेशका मुख्यमन्त्री मो. लालबाबु राउतले जनकपुरधाममा रामकथाका प्रवचन सुनेका छन् ।

मधेश प्रदेशको राजधानी जनकपुरधामस्थित भव्य आयोजना गरिएको रामकथाको लागि भारतका प्रसिद्ध रामकथा वाचक मोरारी बापूको ‘जय सियाराम’ कथा बाचनमा सहभागी भई राम कथा सुनेका छन् ।

शनिबार दिउँसो नेपाली काँग्रेसका उपाध्यक्ष विमलेन्द्र नीधिसँगै मुख्यमन्त्री राउतले रामकथा सुनेका हुन् । जनकपुरधामको तिरहुतिया गाछीमा आयोजना गरिएको भव्य रामकथाको लागि हिन्दु धर्मका गुरु मानिने मोरारी बापु स्वयँम रामकथा दिरहेका छन् ।

तिरहुतिया गाछीमा मोरारी बापूको सुरक्षा समेत कडा पारिएको छ । विशाल सुन्दर पण्डालमा हजारौँ श्रद्धालुहरु अटाउने गरी पण्डाल निर्माण गरिएको हो ।