सिरहा नगरपालिका वडा नं. १७ मा नेपाली काँग्रेसका यादव जितेपछि वडाभरि उत्साह

न्यूज ब्यूरो, सिरहा । मधेश प्रदेशको सिरहा जिल्लास्थित रहेको सिरहा नगरपालिकाको वडा नम्बर १७ मा नेपाली काँग्रेसको पुरै प्यानल निर्वाचित भएको छ ।

सिरहा नगरपालिका वडा नम्बर १७ को वडाध्यक्षमा नेपाली काँग्रेसका उमेश प्रसाद यादवसहित उनको पुरै प्यानल निर्वाचित हुँदा वडावासीमा नयाँ उत्साह थपिएको छ ।

यसअघिका जनप्रतिनीधिहरुले विगतको समयमा देखाएको रुवाफबाट पीडित भएका वडावासीहरुले यसपाली काँग्रेसका उमेश प्रसाद यादवको प्यानलाई मत दिएर निर्वाचित गराएको हो ।

वडाध्यक्षमा यादवको साथै वडा सदस्यहरुमा उमेशचन्द्र बरबरीया यादव , संजीव कुमार साह , दौलेतदेवी यादव , संगीता कुमारी पासवान लगायत पुरा प्यानल सहित भारी मतले निर्वाचित भएको हो ।

वडा अध्यक्षको ५८२ मत निकटतम प्रतिद्वन्दी गुलाबको फुल छाप बाट कैलाश कुमार यादव २३६ मत ल्याएका छन ।