एमाले पार्टीका नगर अध्यक्ष सुरेन्द्र भण्डारी पक्राउ

न्यूज ब्यूरो, जनकपुरधाम । धनुषा प्रहरीले नेकपा एमाले जनकपुरधाम उपहानगरपालिका अध्यक्ष सुरेन्द्र भण्डारीलाई पक्राउ गरेको छ ।

विहिबार दिउँसो जनकपुरधामको सिताशरण होटलबाट एमालेका जनकपुरधाम नगर अध्यक्ष रहेका सुरेन्द्र भण्डारीलाई प्रहरीमाथिको दुरव्यवहार आरोपमा पक्राउ गरेको हो ।

मुस्लिम आयोगका अध्यक्ष समिम मियाँ अन्सारीले पैसा बाँडेको भन्दै एमाले नेता भण्डारीसहितका नेता कार्यकर्ताले विरोध गरेका थिए । सोही क्रममा प्रहरी पुग्दा दुरव्यवहार गरेका थिए ।

उनीहरुले होहल्ला गर्नुका साथै प्रहरीलाई दुव्र्यवहार गर्न खोज्दा भण्डारी पक्राउ गरेको बताइएको छ । उनले प्रहरीसँग दुरव्यवहार गरेपछि पक्राउ परेका हुन् ।

धनुषाका प्रहरी प्रवक्ता डिएसपी प्रदिप क्षेत्रीले प्रहरीलाई नै दुव्र्यवहार गरेपछि एमाले नेता भण्डारीलाई नियन्त्रणमा लिएर अनुसन्धान गरिरहेको बताए ।

सोही प्रकरणको क्रममा मुस्लिम आयोगका अध्यक्ष समिम अन्सारीलाई पक्राउ गरिएको खवर समेत विभिन्न सँचार माध्यममा आएपछि धनुषा प्रहरीले त्यसलाई अफवाह मात्र बताएका छन् ।