राजनीतिमा सम्पति सकाए, तर पार्टीको लागि अझै हनुमान

न्यूज ब्यूरो, जनकपुरधाम । नेपाली काँग्रेस पार्टीमा पार्टीप्रति वफादारहरु कमै नेताहरु देखिन्छन् । हुनतः कुनै पनि राजनीतिक दलमा कोही स्थायी ईमान्दार देखिदैनन् । तर, धनुषाको एक नेता पार्टीप्रतिको वफादारीले पनि गरिब भएका छन् ।

धनुषाको गणेशमान चारनाथ नगरपालिकामा यसपाली उनको वफादारी र ईमान्दारीताको कदर गर्दै मेयरको लागि टिकट पाएका जीतनारायण यादवले सद्भावको भोँट पाउनेमा ढुक्क छन् ।

गणेशमान चारनाथ नगरपालिकाको निवर्तमान मेयर रामबाबु यादव पार्टी परिवर्तन गरेपछि उनको जनमत न्यून भएको छ भने नेपाली काँग्रेसबाट ईमान्दार नेता मानिएका जीतनारायण यादवले आफू आफ्नो नगरवासीप्रति विश्वास जनाए ।

उनले नदीजन्य वस्तुको दोहन रोक्ने, पर्यावरण जोगाउने र नगरलाई हरियाली बनाउने मुख्य मुद्दासहित विकास निर्माणको अन्य कार्यहरुलाई जनभावना अनुसार काम गर्ने प्रतिवद्धता जाहेर गरेका छन् ।