शहिदनगरमा मेयरका उम्मेदवार उदय बरबरियाको पक्षमा ठुलो जनलहर

न्यूज ब्यूरो, जनकपुरधाम । गत चुनावमा देशकै कान्छो मेयरको रुपमा स्थापित भएका धनुषाको शहिदनगर नगरपालिकाका मेयर उदय कुमार बरबरिया (यादव) को पक्षमा जनलहर देखिएको छ ।

विगतदेखि नै नेपाल कम्यूनिष्ट पार्टी (माओवादी केन्द्र) बलियो सँगठन रहेको शहिदनगरमा यसपाली पनि बरबरियाको चुनावी रयालीमा ठुलो जनलहर देखिन्छन् ।

आउँदो बैशाख ३० गते हुने स्थानीय तहको निर्वाचनको लागि घरदैलो अभियानमा निस्कदा उदय बरबरियाको लागि सयौँको सँख्यामा जनमानसहरु ओर्लिने गरेका छन् ।

शहिदनगरमा उनले गरेको ५ बर्षे कार्यकालप्रति शहिदनगरवासीहरु सन्तुष्टी जनाउँदै पुनः उनको पक्षमा मत समेत माग्न थालेका छन् ।

बरबरियाले अहिले नगरको विभिन्न वस्तीस्तरमा पुगेर घरदैलो कार्यक्रमलाई निरन्तरता दिएका छन् । नेकपा माओवादी केन्द्रका धनुषा जिल्ला ईन्चार्ज श्रवण कुमार बरबरिया (यादव) को पक्कड शहिदनगरमा बलियो छ ।