धनुषाको जनकनन्दिनी गाउँपालिकाको गाउँपालिका अध्यक्ष रहेनन् !

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाका गाउँपालिका अध्यक्ष अब्दुल बारिक शेखको मृत्यू भएको छ ।

विगत लामो समयदेखि क्यान्सरबाट पीडित रहेका शेखको शनिबार बेलुकी ८ः३० बजेको समयमा मृत्यू भएके परिवारजनले जनाएको छ ।

नेपाली काँग्रेस पार्टीबाट वि.सं. २०७४ सालको स्थानीय तहको निर्वाचनमा भारी मतले निर्वाचित भएका शेख आफ्नो कार्यकाल सफलतापूर्वक निर्वाह गर्ने जनप्रतिनीधिमध्ये एक थिए ।

जननन्दिनी गाउँपालिकामा जनप्रतिनीधिहरुमध्ये नेतृत्वकर्ताको भूमिकामा सदैव देखिएका शेखको साँझ मृत्यू भएपछि सिँगो टोल नै शोकमा डुबेको छ ।

शेखको अल्पायूमै विरामीको कारण मृत्यू भएको हो । उनको मृत्यूप्रति नेपाली काँग्रेसका नेताहरुले श्रद्धाञ्जली दिएका छन् ।

शेखको आईतबार बिहान ईस्लाम धर्मालम्बीहरुको रितिरिवाज अनुसार अन्तिम सँस्कार गरिने जनाइएको छ । उनले गाउँपालिकाको अध्यक्ष पदबाट राजीनामा नदिई कार्यभार सम्हाल्दै आएका थिए ।