नगरपालिकावासीको लागि ब्लड (रगत) निःशुल्क घोषणा गर्ने मधेशकै पहिलो उम्मेदवार 'उदय बरबरिया'

न्यूज ब्यूरो, जनकपुरधाम । ईमरजेन्सीको अवस्थामा आवश्यक पर्ने रगत (ब्लड) को लागि सर्वसाधारणहरुले ज्यान गुमाएको तथ्याँकलाई मध्यनजर गर्दै मेयरका उम्मेदवार उदय कुमार बरबरिया (यादव) ले नगरवासीको लागि निःशुल्क रगतको घोषणा गरेका छन् ।

प्रादेशिक अस्पताल जनकपुरसहित अन्य अस्पतालहरुमा उपचारको बेला आवश्यक पर्ने रगत निःशुल्क हुने धनुषा शहिदनगर नगरपालिकाका निवर्तमान मेयर उदय कुमार बरबरिया (यादव) ले घोषणा गरेका छन् ।

पालिकाभित्रको आम नागरिकलाई रगतको लागी लाग्दै आएको शुल्क निःशुल्क गर्ने घोषणा मधेश प्रदेशको पहिलो मेयरको उम्मेदवार हुन् ।

गत २०७४ सालको चुनावमा देशकै सबभन्दा कान्छो मेयर भनेर परिचित भएका बरबरियाले यसपालीको चुनावमा शहिदनगरवासीको लागि निःशुल्क रगतको व्यवस्था गर्ने घोषणा गरेका छन् ।

नेपाल रेडक्रस सोसाईटीको रगत बैँकबाट आपत्तकालिन अवस्थामा चाहिने रगतको लागि पोकाको कम्तीमा ८०० रुपैयाँ तिर्नुपर्ने हुन्छ । गरिब, निमुखाको लागि सो रकम नै अधिक रहेकोले नगरपालिकाको सिफारिसमा विरामीलाई आवश्यक पर्ने रगत पूर्णतः निःशुल्क हुने जनाइएको छ ।

जारी गरेको घोषणा पत्रमा उम्मेदवार बरबरियाले नेपाल रेडक्रस सोसाईटीसँग समन्वय गरी आफू निर्वाचित भए नगरवासीको लागि जतिबेला पनि निःशूल्क रगत उपलब्ध हुने बताए ।

महिलाहरुको डेलेभरिको बेला, अप्रेशनको बेला रगतको आवश्यकता पर्दछ ।