समाज बदल्ने अभियानसहित जनकपुरधाम–१४ बाट यादवको उम्मेदवारी

न्यूज ब्यूरो, जनकपुरधाम । आगामी बैशाख ३० गते हुने स्थानीय तहको निर्वाचनको लागि जनकपुरधाम उपमहानगरपालिका वडा नम्बर १४ बाट शम्भु कुमार यादवले स्वतन्त्र उम्मेदवारी दर्ता गराउँदै घरदैलो कार्यक्रमलाई निरन्तरता दिएको छ ।

विभिन्न पार्टीबाट निर्वाचित भएका जनप्रतिनीहिरुले यतिको दिन वडावासीलाई विकासको साटो आसेपासलेलाई मात्र पालेको, हैकमवादी प्रवृति देखाएको भन्दै यादवले सोही वडाबाट स्वतन्त्र उम्मेदवारी दिएका छन् ।

कुनै पार्टीलाई नभई असल, ईमान्दार र निष्पक्ष व्यक्तिलाई जीताउन आग्रह गर्दै उनले वडा नं. १४ मा घरदैलो कार्यक्रम सुरु गरेका छन् । आउँदो बैशाख ३० गते शुक्रबारको दिन पर्ने चुनावमा उनले आफूलाई ब्याडमिन्टनको कर्क छापमा मतदान गर्न वडावासीलाई आग्रह गरेका छन् ।