सिरहाको नरहामा निर्वाचन आचारसंहिताको धज्जिया

न्यूज ब्यूरो, सिरहा । निर्वाचन आयोगले डिजेमा चर्को साउण्ड बजाउँदै कुनै पनि दलले प्रचार प्रसार गर्न नपाउने नियम लगाएपनि चर्को साउण्डमा डिजे बजाएर प्रचार प्रसार गरिरहेको पाईएको छ ।

सिरहा जिल्लाको नरहा गाउँपालिकामा विभिन्न पार्टीहरुले डिजेमा गीत बजाएर चर्को साउण्डमा प्रचार प्रसार गर्दा स्थानीयहरु आजित भएका छन् ।

एक मात्र दलले नभएर चुनावमा उम्मेदवारी दिएका विभिन्न दलका उम्मेदवारहरुले चर्को साउण्डको डिजेमा गीत बजाएर प्रचार प्रसार गर्न लागेपनि निर्वाचन अधिकृतको कार्यालयले कारवाही गर्न सकेको छैनन् ।

जिल्ला प्रशासन कार्यालय सिरहाले डिजे बाजाले सामाजिक जीवनमा प्रतिकुल असर पर्ने हुदाँ बाजाको प्रयोग गरी चुनाव प्रचार प्रसार गर्ने पाइने छैन्, निर्वाचन प्रचार प्रसार निम्ति विदेशमा दर्ता भएका गाडीहरुको प्रयोगलाई पूर्णत निषेध गरिएको र उल्लेखित विषयको कार्यान्वयन वा पालना नगरेको अवस्थामा कानुन बमोजिम कारवाही हुने चेतावनी दिसकेको छ ।

जिल्ला प्रशासन कार्यालय सिरहाले डिजे बाजाले चुनावी प्रचार प्रसार गर्न र विदेशमा दर्ता भएका गाडीहरुको प्रयोगलाई निषेद गरेको तदापी नरहा गाउँपालिकामा जिल्ला प्रशासन कार्यालयको निर्देशनलाई धज्जी उडाउदै डिजे बाजा र भारतीय गाडीको चुनावी प्रचार प्रसारमा प्रयोग गरेको पाईएको छ ।