विदेह नगरपालिकामा कलम छापबाट राजकिशोर रोहिता भारी, घरदैलो तीव्र

न्यूज ब्यूरो, जनकपुरधाम । नेकपा (समाजवादी) पार्टीबाट धनुषाको विदेह नगरपालिकामा मेयरमा उम्मेदवारी दिएका राजकिशोर यादव यसपाली अन्य उम्मेदवारहरुको लागि भारी बन्दै गएको छ ।

विदेह नगरपालिकाको गत वि.सं. २०७४ सालको चुनावमा झिनो मतले मात्र माओवादीबाट पराजित भएका राजकिशोर रोहिता यसपाली भने भारी देखिएका छन् ।

मेयरको लागि पुनः उम्मेदवारी दर्ता गराएका यादवले सोमबारबाट घरदैलो अभियान चलाएका छन् । उनका साथै उनका सहयोगीहरुले विदेह नगरपालिकाको विभिन्न वडामा गएर घरदैलो सुरु गरेका छन् ।

विदेह नगरपालिका वडा नम्बर ५ मुडिबा टोलबाट घरदैलो अभियान सुरु गरेका यादवले चुनावको तीनदिन अघिसम्म चुनावी प्रचार प्रसारलाई तिव्रता दिने जनाएका छन् ।

विदेह नगरपालिकाबाट निवर्तमान मेयर बेचन दास, स्वतन्त्र उम्मेदवार गोविन्द साह र राजकिशोर रोहिता (यादव) को त्रिपक्षिय भिडन्त हुने सम्भावना देखिएको छ ।