भोली सार्वजनिक विदाको घोषणा

न्यूज ब्यूरो, जनकपुरधाम । नेपाल सरकारले भोली मँगलबार देशैभरि सार्वजनिक विदाको निर्णय गरेको छ ।

सोमबार एक सूचना जारी गर्दै भोली मँगलबार मुस्लिम धर्मावलम्बीहरुको ईद पर्वको अवसरमा सार्वजनिक विदा दिने निर्णय गरेको हो ।

नेपाल राजपत्र गत बर्षको फागुन २६ गते भएको सूचना अनुसार गृहमन्त्रालयले भोली एक दिन सार्वजनिक विदाको निर्णय गरेको हो ।

छिमेकी मुलुक भारतसहित अन्य देशमा सोमबार (आज) नै ईद पर्व मनाइदैछ भने नेपालमा भोली ईद पर्व मनाउन लागिएको हो ।

गृहमन्त्रालयका प्रवक्ता फणिन्द्रमणी फुयालद्धारा हस्ताक्षरित सूचनामा मुस्लिम धर्मावलम्बीहरुको ईद उल फित्रको अवसरमा २० गते बैशाखमा सार्वजनिक विदा कायम गरिएको उल्लेख छ ।