महोत्तरीको जलेश्वर नगरपालिकामा ईन्जिनीयर यादवले दिए मेयरमा उम्मेदवारी

न्यूज ब्यूरो, जलेश्वर । महोत्तरीको सदरमुकाम जलेश्वर नगरपालिकाको मेयरको प्रत्यासी उम्मेदवार बनेका छन् ईन्जिनीयर सुभाष कुमार यादव ।

पछिल्लो समयमा जनप्रतिनीधिहरुले स्थानीय तहलाई तहसनहस गरेको भन्दै भ्रष्टाचारमुक्त पालिका बनाउनको लागि उनले मेयरको पदमा उम्मेदवारी दिएका छन् ।

राजावादी र हिन्दुवादी भनिने राष्ट्रिय प्रजातन्त्र पार्टी (राप्रपा) बाट मेयरको पदमा उनले उम्मेदवारी दिएका छन् । यसैसँगै उनले प्रचार प्रसार समेत सुरु गरेका छन् ।

“भ्रष्टाचार गर्नु भनेको आमाको रगत खानु सरह हो” मूल नारा सहित यादवले जलेश्वरको मेयर पदमा उम्मेदवारी दिएका छ्न । यसका साथै पार्टीले जारी गरेको घोषणापत्रलाई अवलम्बन गर्दै आफू निर्वाचित भए सोही अनुसारको कार्यहरु गर्ने वाचा गरेका छन् ।

हरेक घरमा बिजुली, १२ कक्षासम्म निःशुल्क शिक्षा, जेष्ठ नागरिकलाई निःशुल्क धार्मिक यात्रा लगायतका घोषणा गर्दै उनले मेयरमा उम्मेदवारी दिएका छन् ।

मेयरमा उम्मेदवारी दिएका राप्रपाबाट यादवको चुनाव चिन्ह हलो छाप (हर छाप) रहेको छ ।