सर्लाहीमा ५४ बर्षका उमेरमा एसइइ परीक्षा

न्यूज ब्यूरो, सर्लाही । नेपाली उखान खाने मुखलाई जुँघाले छेक्दैन र पढाईको कुनै उमेर हुदैन भने झै सर्लाहीमा ५४ बर्षको उमेरमा एक जना व्यक्ति माध्यमिक शिक्षा परीक्षामा सहभागी भएको पाईएको छ ।

इश्वरपुर नगरपालिका वडा नम्बर ३ भक्तपुर स्थित सरस्वती माध्यमिक विधालयबाट सिम्बल नं. ०२२००७९९ ‘यू’ भएका ५४ वर्षीय राजकिशोर साह श्री नारायण माध्यमिक विधालय, इश्वरपुर नपा–६, केशरगंज, सर्लाही परीक्षा केन्द्रबाट एसईई परीक्षामा सहभागी भएका छन् ।

वि.स. २०२५ सावन २६ गते जन्मिएका ईश्वपुर नगरपालिका वार्ड न। १ चौलिखा निवासी साह आर्थिक अभावका कारण बाल्यकालमा कक्षा सातसम्मको अध्ययन पूरा गरी उनी बिचैमा छाडेका थिए ।

पढाई छोडे लगतै ३ बर्षपछि १७ बर्षकै कलिलो उमेरमा उनि बिहेको बन्धनमा बाँधिन पुगे । उच्च शिक्षा हासिल गर्ने चाहना भएपनी आर्थिक अवस्था र परिवारको जिम्मेवारले पढाईलाई निरन्तरता दिन सकिएन। आफु उच्च शिक्षा हासिल गर्न नसकेपनी २ वटा छोराहरुलाई पढाएर जागिर लगाउन सफल भएको साहले बताए ।

परिवारिक जिम्मेवारीबाट मुक्त भएपछि पुनः२०७६ सालमा कक्षा ७ मा नामांकन गराई अहिले एसईई दिइरहेका छन । वि. स. २०४० सालमा पढाइ छोडेका उनि पढने इच्छाशक्तिका पुनः २०७६ विधालयमा भर्ना भए ।

अहिले विधालयका व्यवस्थापन समितीका अध्यक्ष, विभिन्न तहका चुनावमा उम्मेदवारी दिन र गैरसरकारी तथा सरकारी संघसंस्थाका सदस्य बन्न समेत सरकारले माध्यमिक तहका शिक्षा अनिवार्य गरेकाले माध्यमिक शिक्षा परीक्षामा सहभागी हुन पुगेको बताए ।

उनले भने–“आफनो आस्था बौद्ध धर्ममा रहेका कारण दर्शन र बौद्धमा उच्च शिक्षा अध्ययन गर्न चाहेको छु ।

उनका दुई छोरा मध्ये जेठो छोरा रंजित कुमार साह अहिले इलाका प्रशासन कार्यालय, हरिवन, सर्लाहीका नायब सुब्बा र कान्छो छोरा संजित कुमार साह, जिल्ला प्रहरी कार्यालय, महोत्तरीमा प्रहरी सहायक निरीक्षकका रुपमा कार्यरत रहेका छन ।