लोसपाको घोषणापत्रमा महिलालाई निःशुल्क शिक्षा, प्रचारमा लौण्डा नचाउँदै

न्यूज ब्यूरो, वीरगँज । लोकतान्त्रिक समाजवादी पार्टी (लोसपा) को घोषणा पत्र सार्वजनिक भएको छ ।

शुक्रबार पार्टी कार्यालय बबरमहलस्थित पार्टी कार्यालयमा आयोजित कार्यक्रममा अध्यक्ष महन्थ ठाकुर, वरिष्ठ नेता राजेन्द्र महतो लगायतका नेताहरुले घोषणापत्र सार्वजनिक गरेका हुन्।

घोषण पत्रमा सबै महिलाहरुलाई निःशुल्क शिक्षाको व्यवस्था गर्ने, स्वास्थ्य उपचार निःशुल्क गर्ने लगायको व्यवस्था गरिएको छ। तर, पार्टीले प्रचार प्रसारको लागि लौण्डा नचाउने गरेको देखिएको छ ।

प्रत्येक पालिकाहरुमा छुट्टाछुट्टै घोषणापत्रहरु तयार गर्ने भएपनि वीरगँजमा लौण्डा नचाएर प्रचार प्रसार गर्न लागेको तस्विर भाइरल बनेको छ । समाजिक सँजालमा लोसपाको साईकल छाप झण्डा बोकेको ट्रोलीमा लौण्डा डान्स गरिरहेको देखिएको छ ।