धनुषाधामका मेयर, उपमेयर र वडाध्यक्षका उम्मेदवारहरुको आजदेखि घरदैलो कार्यक्रम

न्यूज ब्यूरो, जनकपुरधाम । नेपाली काँग्रेसबाट उम्मेदवारी दिएका धनुषाधाम नगरपालिकाको उम्मेदवारहरु शुक्रबारदेखि घरदैलो कार्यक्रम सुरु गरेको छ ।

नेपाली काँग्रेसबाट धनुषाधाम नगरपालिकाको नगर प्रमुखका उम्मेदवार एवम् निवर्तमान मेयर बालेश्वर मण्डल, निवर्तमान उपमेयर एवम् उम्मेदवार विद्या देवी भूजेल, वडा नं. १ का वडाध्यक्ष पदका उम्मेदवार विश्वनाथ यादव लगायतले आजदेखि घरदैलो सुरु गरेको हो ।

“घर घर जाउ गाछी छापलाई जिताउ” भन्दै जनमानसमा गएर भोँट माग्ने कार्य सुरु गरेको छ । धनुषाधाममा पुनः नेपाली काँग्रेस जिताउ अभियान नै सुरु गरिएको छ ।

धनुषाधाम नगरपालिकामा निर्वतमान मेयर, उपमेयर सहित कैयौँ वडा नेपाली काँग्रेसले जितेको थियो । यसपाली नेपाली काँग्रेस झन बलियो भएको भन्दै जोडतोडले घरदैलोमा लागेका छन् ।