सिरहाको सागरमाथा स्कूलमा चिट चोरीको हद पार, परीक्षार्थीलाई शिक्षकले गराउँछन चिट

न्यूज ब्यूरो, सिरहा । अध्ययन अध्यापनको बेला एक दिन पनि विद्यालयको अनुगमनमा नगएका सिरहाका सिडिओ लालबाबु कवारीले शोअफ गर्न परीक्षा केन्द्रहरुमा पुगेपछि चर्को आलोचना भयो ।

देखावटी अनुगमनमा गएका सिडिओ कवारीले क्यामेरामा मात्र कैद हुनको लागि शोअफ गर्दै एसईईको विभिन्न परीक्षा केन्द्रमा देखावटी अनुगमन गरे ।

जारी एसईई परीक्षाको क्रममा सिरहाको मिर्चैयास्थित रहेको सागरमाथा स्कूलको परीक्षाकेन्द्रमा सेटिँग गरिएको छ । परीक्षाकेन्द्रभित्र परीक्षार्थीहरु अनुशासनहिन देखिए भने केही शिक्षकहरु समेत चिट चोरी गराउँदै गरेको देखिए ।

सेटिँगमा राखिका केही परीक्षार्थीहरुलाई व्यक्तिगत शिक्षक नै पठाएर कापी तयार गरिने गरेको बुझिएको छ । धनाढय अभिभावकबाट मोटो रकम उठाएर सागरमाथा स्कूलको परीक्षाकेन्द्रभित्र अर्मादित रुपले परीक्षा सँचालन भइरहेको पाईएको छ ।

यस्तै, सिरहाको चोहर्बास्थित रहेको माध्यमिक विद्यालय चन्द्रउदयपुर स्कूलमा समेत सोही प्रवृति देखिएको थियो । परीक्षाकेन्द्रभित्रको अवस्था बारे बुझन् न्यूज ब्यूरोबाट स्टीँग अपरेशन गरेका सबिन यादवले परीक्षा केन्द्रहरुको अवस्था त्यस्तै देखियो ।

सोही क्रममा चोहर्बाको बालविकास माविभित्रको अवस्था एकदम अमर्यादित देखियो । शिक्षकहरुले नै चिट लिएर विद्यार्थीहरुलाई दिदै गरेको देखियो । परीक्षा केन्द्रभित्र एक अर्काको मुख्य पेपर नै साटासाट गरी लेखिरहेको पाइएयो ।

परीक्षा केन्द्रभित्र चलेको अमर्यादित परीक्षाको बारेमा सोही ठाउँमा खटेको सशस्त्र बेश क्याम्पका ईन्सपेक्टर जीवन मल्ललाई जानकारी गराउँदा उनले आफ्नो कार्यक्षेत्रभित्र नपरेको जवाफ फर्काए ।

परीक्षा केन्द्रभित्र पत्रकार पसेपछि साटासाट गरिएको मेन कापी फिर्ता गर्ने क्रममा एक परीक्षार्थीको सिम्बोल नम्बरसँग मेल नै नखाएपछि देखावटी मात्र गर्न सुपरिटेन्डेन्टले नाटक सुरु गरेका थिए ।

सागरमाथा स्कूलमा पनि यहि प्रवृति देखिएको थियो । परीक्षार्थीहरु एक आपसमा कापी साटासाट गरी चिट चोरी गरिरहेको पनि पाईयो । सागरमाथा स्कूलमा अभिभावकहरुले केन्द्राध्यक्षसँगै रकम थपेर सेटिँग गरेको आरोप छ ।

सागरमाथा स्कूलमा केन्द्र परेको अन्य बोर्डिङग स्कूलहरुबाट मोटो रकम लिएर केन्द्राध्यक्षले चिट चोरी र अमर्यादित परीक्षाको नमुना पेश गरेका छन् ।

यस सन्दर्भमा डन्डा स्कुलका सुपरिटेन्डेन्ट सुरेन्द्र सिंहले चिट चोरीको आरोपलाई खण्डन गर्दै परिक्षा केन्द्रमा कडाई गरेको बताए ।

सिरहाका शिक्षा अधिकारी रामवृक्ष महतोले कुनै पनि परीक्षा केन्द्रमा चिट चोरी भएको प्रमाण भेटिए कानुनै बमोजिम कारवाहीको प्रतिवद्धता जाहेर गरे ।

---

भिडियो प्रमाणहरु सुरक्षित छ ।