जनकनन्दिनी गाउँपालिकामा मेरो सँगठन र व्यक्तिगत पक्कड पनि बलियो छः यादव

न्यूज ब्यूरो, जनकपुरधाम । धनुषाको जनकनन्दिनी गाउँपालिकामा जनता समाजवादी पार्टीबा अध्यक्षको उम्मेदवार दिपिन देव यादवले गाउँपालिकामा जसपाको सँगठन बलियो रहेको दाबी गरेका छन् ।

न्यूज ब्यूरोसँगको संक्षिप्त चुनावी कुराकानीमा उम्मेदवार यादवले जनकनन्दिनी गाउँपालिकाको विभिन्न वडामा जसपाको सँगठन बलियो रुपमा तयार रहेको बताए ।

उनले गाउँपालिकाभित्रमा आफ्नो व्यक्तिगत पक्कड पनि उतिकै मजबुत रहेको सुनाए । उनले भने, –“गाउँपालिकामा जसपा कमजोर होईन, हामी भित्रैबाट बलिया छौँ ।”

यसका साथै, उनले सँचारमाध्यममा आफूलाई ठेकेदारको बिल्ला भिडाएको भन्दै समाचारप्रति आपत्ति जनाए । आफू कुनै ठेकेदारीमा सँलग्न रहेको बताउँदै उनले लगाइएको आरोपको खण्डन गरे ।

उनले भने, –“विभिन्न समयमा स्थानीयहरुको गुनासो र समस्या लिएर जनकनन्दिनी गाउँपालिकासम्म गएको छु । तर, मै ठेकेदारीमा सँलग्न हुँ भनेर भन्नु गलत हो ।”

उनले कमला नगरपालिका लगायत अन्य पालिकाहरुमा प्रदेशको बजेटमा ठेकेदारी गरेको, स्थानीय तहको बजेटमा ठेकेदारी गरेको आरोपलाई खण्डन गरे ।