ओलीको गुण गाउँदै नथाकेका एनजिओकर्मी 'झा' मेयरको टिकट लोभमा माओवादीको शरणमा

न्यूज ब्यूरो, जनकपुरधाम । एमालेका अध्यक्ष केपी शर्मा ओलीको गुण गाउँदै नथाकेका एनजिओकर्मी कुन्दन झा टिकटको लोभमा पार्टी बदलेका छन् ।

एमालेको युवा सँगठन युवासंघ महोत्तरीका इञ्चार्ज कुन्दन झाले एमाले परित्याग गरी माओवादी प्रवेश गरेका छन् । आश्वासन दिएर एमालेले मेयरको टिकट नदिएपछि उनले पार्टी परित्याग गरेका हुन्।

माओवादीका केन्द्रीय सदस्य रामकुमार शर्माले उनलाई पार्टी प्रवेश गराएका हुन्।

माओवादीले मनरा सिसवा नगरपालिकाबाट उनलाई मेयरको टिकट दिने जनाएको छ। सर्वसम्मतिले उनलाई मेयरको टिकट दिने निर्णय भएको नेता शर्माले जानकारी दिए।

झा एमालेको युवा संघमा केन्द्रीय सचिवालय सदस्य समेत थिए। नेकपा फुटभएपछि उनी एमालेमा जाँदै ओलीको गुणगानमा व्यस्त थिए । तर, एमालेले टिकट नदिएपछि माओवादीको शरण पुगेका छन् ।