कमला नगरपालिकाः उम्मेदवारीको तामझाम देखाउन जसपाउम्मेदवारद्धारा बालबालिका र भाडाको टयाप्पे प्रयोग

न्यूज ब्यूरो, जनकपुरधाम । धनुषा जिल्लाको कमला नगरपालिकास्थित जनता समाजवादी पार्टी (जसपा) नेपालबाट मेयरका उम्मेदवार पशुपति यादव र वडा नं. २ का वडाध्यक्षका उम्मेदवार धनेश्वर यादवको मनोयन दर्ताको क्रममा बालबालिका र भाडाको टयाप्पे प्रयोग गरिएको छ ।

मनोयन दर्ताको लागि तामझाम देखाउन यादवद्धयको तर्फबाट विभिन्न गाउँबस्तीबाट दलित, अल्पसँख्यकहरुको बालबालिकाहरुलाई व्यापक प्रयोग गरिएको देखिएको हो ।

सोमबार मनोयन दर्ताको लागि निकालिएको तामझामसहितको रयालीको क्रममा ५ बर्षदेखि १२ बर्षसम्मका बालबालिकाहरुसहित अन्य गाउँहरुबाट भाडामा ल्याएको लागूऔषध सेवनकर्ताहरुलाई सहभागी गराउँदै मनोयन दर्ता गराएको हो ।

रयालीसमा सहभागी भएका एक किशोरले दारु र पेट्रोल दिने शर्तमा अरुको मोटरसाईकल लिएर आएको बताए । पेट्रोलमा ३ लिटर तेल र साँझ २ वटा बिरिक्स दारु पाउने शर्तमा रयालीमा सहभागी भएको बताए ।

दिउँसो १ः०० बजे जसपाबाट मेयरको लागि पशुपति यादव र वडा नं. २ को वडाध्यक्षको लागि धनेश्वर यादव सँयुक्त रुपमा बैनर लिएर उम्मेदवारी दर्ता गराउन निर्वाचन अधिकृतको कार्यालय पुगेका हुन् ।

यता, गत वि. सं. २०७४ सालको चुनावमा तत्कालिन संघीय समाजवादी पार्टी (हाल जसपा) बाट लडेका पशुपति यादव पराजीत भएपछि एक दिन पनि जनतामाझ नगएको टिकाटिप्पणी गरिएको छ ।