धनौजी गाउँपालिकाको अध्यक्षमा लोसपाबाट झाले गराए उम्मेदवारी दर्ता

न्यूज ब्यूरो, जनकपुरधाम । मधेश प्रदेशको धनुषा जिल्लास्थित धनौजी गाउँपालिकाको अध्यक्षको लागि लोकतान्त्रिक समाजवादी पार्टी (लोसपा) नेपालबाट जीवेन्द्र झा (जीवु) ले उम्मेदवारी दर्ता गराएका छन् ।

धनौजी गाउँपालिकामा चर्चित युवा नेता रहेका झाले आईतबार धनौजी गाउँपालिकाको निर्वाचन अधिकृतको कार्यालय पुगेर दिउँसो मनोयन दर्ता गराएको हो ।

नेपाली काँग्रेस सत्तामा हुँदा प्रतिपक्षको अहम भूमिका निर्वाह गर्दै विकास कार्यको लागि अग्रसर चिनिने झाले आफ्नो पुरै प्यानलसहित उम्मेदवारी दर्ता गराएका हुन् ।

झासँगै ५ वटा वडामध्ये लोसपाबाट चुनावको लागि ४ वटा वडाका वडाध्यक्षका उम्मेदवारहरुसँगै उम्मेदवारी दर्ता गराएका हुन् । वडाध्यक्षसहित वडा सदस्यहरुले समेत मनोयन दर्ता गराएको हो ।