धनुषाधाम नगरपालिकाको लागि मेयरमा जसपाबाट यादवले पाए टिकट

न्यूज ब्यूरो, जनकपुरधाम । धनुषाको धनुषाधाम नगरपालिकाको मेयरको उम्मेदवारको लागि जनता समाजवादी पार्टी (जसपा) नेपालले विनोद यादवलाई टिकट दिएको छ ।

गए अबेरातीसम्म भएको छलफलपछि यादवलाई धनुषाधाम नगरपालिकाको लागि टिकट प्रदान गरेको यादवले न्यूज ब्यूरोलाई जानकारी दिए ।

यसअघि जसपाबाट ज्ञान यादव र सँजीव यादवको नामको लागि पार्टी कार्यालय तनावग्रस्त भएपनि अन्ततः विनोद भर्खेर (यादव) लाई टिकट दिएको हो ।

जनता समाजवादी पार्टी नेपालको लागि धनुषाधाम नगरपालिका क्षेत्रभित्र यादवको बलियो पक्कड मानिन्छ ।