धनुषाको सबैलामा पनि निर्वाचन अधिकृतको कार्यालय स्थापना

न्यूज ब्यूरो, जनकपुरधाम । आगामी निर्वाचनलाई नियमन गर्नको लागि धनुषाको सबैलामा पनि निर्वाचन अधिकृतको कार्यालय स्थापना भएको छ ।

विहिबार दिउँसो स्थानीय चुनावलाई दृष्टिगत गर्दै सबैला नगरपालिकाको वडा नम्बर ३ प्राथमिकस्थित स्वास्थ्यकेन्द्रस्थित निर्वाचन अधिकृत कार्यालयको स्थापना गरिएको हो ।

सबैला नगरपालिकाभित्र रहेको सर्वदलिय जनप्रतिनीधि, राजनीतिकर्मीहरुको सहमतिमा सबैला नगरपालिकाको प्राथमिक स्वास्थ्य केन्द्र हाताभित्र निर्वाचन अधिकृत कार्यालय स्थापना गरिएको हो ।

सबैलाको लागि बासुदेव पाण्डे निर्वाचन अधिकृत भएका आएका छन् । निर्वाचनलाई अनुशासित एवम् नियमन गर्नको लागि पाण्डेसहित अन्य कर्मचारीहरु निर्वाचन अधिकृतलाई सहयोग गर्ने भएको छ ।