धनुषाको शहिदनगरमा निर्वाचन अधिकृतको कार्यालय स्थापना

न्यूज ब्यूरो, जनकपुरधाम । स्थानीय तह निर्वाचनका लागि धनुषाको शहिदनगरमा निर्वाचन अधिकृतको कार्यालय स्थापना गरिएको छ।

शहिदनगर नगरपालिका सँचालन हुँदै आएको कार्यालयमै निर्वाचन अधिकृतको कार्यालय स्थापना गरिएको हो । विहिबार दिउँसो कार्यालयको स्थापना गरिएको हो ।

धनुषा जिल्लाको १८ वटा स्थानीय तहमध्ये शहिदनगरमा विहिबार निर्वाचन अधिकृतको कार्यालय स्थापना गरिएको हो । आगामी बैशाख ३० गते तोकिएको निर्वाचनलाई मध्यनजर गरी नेपाल सरकारले खटाए बमोजिम अधिकृतको कार्यालय स्थापना गरिएको निर्वाचन अधिकृत उत्तम प्रसाद खरेलले जानकारी दिए ।

शहिदनगरमा स्थापना गरिएको निर्वाचन अधिकृतको कार्यालयमा अहिले ८ जना कर्मचारी काम गर्ने खरेलले जानकारी दिए ।

जसमा मुख्य निर्वाचन अधिकृत खरेल सहित सहायक निर्वाचन अधिकृत नगरपालिकाका कार्यालय प्रमुख रामकिशोर महतो, लेखापाल लोकबहादुर नेपाली सहितका अन्य कर्मचारीहरुले निर्वाचन कार्यालयमा काम गर्ने बताइएको छ ।