हँसपुरका मेयर मण्डलले बुझाए सरकारी गाडी

न्यूज ब्यूरो, जनकपुरधाम । मधेश प्रदेशको धनुषा जिल्लास्थित हँसपुर नगरपालिकाका मेयर रामज्ञान मण्डलले बुधबार सरकारी गाडी बुझाएका छन् ।

निर्वाचन आयोगले आचारसंहिता लागू गरेको केही दिनपछि उनले बुधबार नगरपालिकाका प्रमुख प्रशासकीय अधिकृतलाई साँचो बुझाउँदै गाडी बुझाएका छन् ।

वि.सं. २०७४ को स्थानीय तहको निर्वाचनमा निर्वाचित भएका मेयर मण्डलले आउँदो बैशाख ३० गते तोकिएको स्थानीय तहको अर्को निर्वाचनको लागि आचारसंहिता पालना गर्दै उनले गाडी बुझाएका हुन् ।

बुधबार दिउँसो नगरपालिकाका प्रमुख प्रशासकीय अधिकृत सूर्य प्रसाद दाहाललाई साँचो बुझाएका हुन् ।