'चेलीबेटी बेचबिखनमुक्त समाज' भन्दै माईती नेपालको ३० औँ स्थापना दिवस

न्यूज ब्यूरो, जनकपुरधाम । चेलीबेटी बेचविखन बिरुद्ध सक्रिय माईती नेपालले ३० औं स्थापना दिवस अवसरमा विभिन्न सचेतनामुलक कार्यक्रम गरी मनाएको छ ।

मधेश प्रदेशको राजधानी जनकपुरधामस्थित विहिबार विभिन्न कार्यक्रमको आयोजना गरी माईती नेपालले स्थापना दिवसको अवसरमा सचेतात्मक कार्यक्रम गरेको हो ।

राजधानी जनकपुरका बस पार्क लगायत विभिन्न चौकमा ‘हाम्रो आवाज चेलिबेटी बेचबिखनबाट मुक्त समाज’ भन्ने मुल नाराका साथ स्थापना भएको माईती नेपालको स्थापना दिवसको अवसरमा माईती नेपाल धनुषाले जनचेतना मुलक पोष्टर, पम्पलेटहरु टास्नुका साथै सुचना एवं चेतना मुलक सन्देशहरु वितरण गरेको हो ।

जस अन्तरगत जनकपुरको बस पार्क लगाएतका स्थानका सडकमा समेत जनचेतना मुलक पोष्टर, पम्पलेटहरु टास्नुका साथै सुचना एवं चेतना मुलक सन्देशहरु वितरण गरिएको छ् ।

माईती नेपालले मानव बेचबिखन रोकथामका लागि जनचेतना मुलक कार्यक्रमहरु समुदाय स्तर सम्म पुगि संचालन गर्नुका साथै नेपालका बिभिन्न मुख्य मुख्य नाकामा सुचना तथा परामर्श केन्द्र स्थापना गरि जोखिमपुर्ण यात्रामा रहेका महिला तथा वालवालिकाहरुको उद्धार, भारत लगाएतका देशहरुमा यौन एवं श्रम शोषणमा परेका महिला वालवालिकाहरुको उद्धार, आवशिय सेवा, मनोसामाजिक परामर्श, कानुनी सहायता, स्वास्थ्य सेवा लगाएतका सेवा प्रदान गर्दै शिप मुलक तालिम सहित परिवार र समाजमा पुर्नमिलन लगाएतका कार्य गर्दै आईरहेको माईती नेपाल धनुषाका संयोजक पुरुषोतम यादवले जानकारी दिएका छन् ।

कार्यक्रममा मानव बेचबिखन तथा सुरक्षित बसाई सराई, घरेलु हिंसा सम्बन्धी तयार पारिएका पर्चा, ब्रसरहरु वितरण गरिएको संयोजक यादवले बताए ।