धनुषाः शहिद सूर्यनाथ रान जिल्ला अस्पतालमा मन्त्रालय टोलीको अनुगमन, केही दिनभित्रै सँचालनमा आउने

न्यूज ब्यूरो, जनकपुरधाम । धनुषाको शहिदनगर नगरपालिकास्थित रहेको शहिद सूर्यनाथ रान जिल्ला अस्पतालमा मन्त्रालयको टोलीद्धारा अनुगमन नीरिक्षण गरिएको छ ।

सोमबार स्वास्थ्य मन्त्रालयबाट आएको ४ सदस्यीय टोलीले शहिदनगर नगरपालिकाको वडा नं. ८ डुमरियाचौकस्थित निर्माण गरिएको शहिद सूर्यनाथ रान जिल्ला अस्पतालमा अनुगमन नीरिक्षण गरेको हो ।

स्वास्थ्य तथा जनसँख्या मन्त्रालयका प्रमुख विशेषज्ञ डा. गुणराज लोहनीको नेतृत्वमा आएको चार सदस्यीय नीरिक्षण टोलीले निर्माण भएको भवनको अनुमगन गरेको हो ।

भवनमा चाहिने भौतिक पूर्वाधारहरुमा बेड, ल्याब, एक्सरे मेसिनको आवश्यकता औल्याउँदै टोलीले आवश्यक प्रक्रिया पूरा गरी शिघ्र सँचालनमा आउने प्रतिवद्धता जाहेर गरेका हुन् ।

नीरिक्षणको क्रममा धनुषा निर्वाचन क्षेत्र नम्बर २ का प्रतिनीधिसभा सदस्य उमा शँकर अरगरिया, नेकपा माओवादी केन्द्रका धनुषा जिल्ला ईन्चार्ज योग कुमार बरबरिया, शहिदनगर नगरपालिकाका नगर प्रमुख उदय कुमार बररिया (यादव) लगायत स्वास्थ्य मन्त्रालयको टोलीले सँयुक्त अनुगमन गरी सँचालनको बारेमा छलफल गरेको हो ।

सो क्रममा प्रतिनीधिसभा सदस्य अरगरियाले जसपाका अध्यक्ष उपेन्द्र यादव स्वास्थ्यमन्त्री हुँदा यही अस्पताल सँचालनको लािग विवाद भएको सुनाउँदै जिल्ला अस्पतालको रुपमा सँचालन गर्न पहल गरेको बताए ।

उनले आफ्नै पहलमा मन्त्रालयबाट अनुगमन टोली झिकाएर केही दिन भित्रै अब सँचालनमा आउने जानकारी दिए ।

सो क्रममा नगर प्रमुख उदय कुमार बरबरियाले यसअघि विभिन्न समयमा यहाँबाट गएको फाईलहरु मन्त्रालयबाट गायब भएको भन्दै सँचालन हुन नसकेपछि यसपाली आएको अनुमगन टोलीले शिघ्र नै काम गरेर दिने बताए ।

उनले विभिन्न समयमा आएको अन्य टोलीहरुले सरकार परिवर्तन भएपछि फाईलहरु छ्यासमिस भएको बताउँदै यसपाली यी फाईलहरुमा शिघ्र काम भई केही दिनभित्रै सँचालनमा आउने टोलीहरुलाई उदृत गर्दै बताए ।

नीरिक्षणको क्रममा माओवादीका केन्द्रीय सदस्य समेत रहेका नेता योग कुमार बरबरियाले यहाँको पुरानो अवस्थलाई सौन्दर्यीकरण गरी यहाँको क्षेत्रवासीको लागि जिल्ला अस्पतालको रुपमा चिनाउने सपना शिघ्र पुरा हुने बताए ।

शहिद सूर्यनाथ रान जिल्ला अस्पताल सँचालनमा आएपछि शहिदनगर नगरपालिका, सबैला नगरपालिका, कमला नगरपालिका, जनकनन्दिनी गाउँपालिका, विदेह नगरपालिकाका सहित सिरहा जिल्लाको कमला छेउका नागरिकहरु समेत लाभान्वित हुने बताए ।