एक डाक्टर घरको आँगनमा मृत फेला

न्यूज ब्यूरो, विराटनगर । प्रदेश नम्बर १ को राजधानी विराटनगरस्थित एक डाक्टर एक घरको आँगनमा मृत अवस्थामा फेला परेको छ ।

नोबेल मेडिकल कलेज एण्ड टिचिङ हस्पिटल विराटनगरमा कार्यरत चिकित्सक मृत फेला परेका छन् ।

सप्तरी राजविराज घर भएका २७ वर्षीय डा. विजय यादव एक घरको परिसरमा मृत भेटिएका हुन् ।

नोवेल मेडिकल कलेजको स्वास्थ शिविरमा गएर शुक्रबार फर्केका उनी शनिबार बिहान मृत फेला परेका हुन् ।

घटनास्थल विराटनगर वडा नम्बर ४ मा प्रहरी पुगेर अनुसन्धान सुरु गरेको छ । घरको गेट नजिकै हात बटारिएको अवस्थमा उनी फेला परेका छन् । नोवेलमा उनी पाँच वर्षदेखि कार्यरत रहेका थिए ।