लहानको कामना नर्सिँग होमद्धारा सप्तरीमा निःशुल्क स्वास्थ्य शिविर, दुई सय बढी लाभान्वित

न्यूज ब्यूरो, सिरहा । सिरहा जिल्लाको लहानस्थित अवस्थित कामना नर्सिँग होमको आयोजनामा मधेश प्रदेशको सप्तरीस्थित गरिएको निःशुल्क स्वास्थ्य शिविरमा सयौँ जना लाभान्वित बने ।

सप्तरी जिल्लाको खडक नगरपालिका वडा नम्बर ५ खर्चुहियास्थित बजारमा आयोजना गरिएको सो निःशुल्क स्वास्थ्य शिविरको क्रममा दुई सयभन्दा अधिक नागरिकहरु लाभान्वित बनेका छन् ।

सो निःशुल्क स्वास्थ्य शिविरमा डा. रितेश कुमार गिरि , डा. कबिता साह , डा. बिनोद कुमार सिंह, डा.अनिल यादव , डा. आलोक गोइत, डा. भावना चौधरी, डा. रोजि देब डाक्टरहरुले चेकजाँच गरेको थियो ।

शिबिरमा विभिन्न ठाउँ गाउँ बाट जम्मा २ सय १७ जनाले चेकजाँच गराएरका थिए भने जस्मा महिला, पुरुष लगायत जेष्ठनागरीगरुको उपस्थिति रहेको थियो । कामना नर्सिङ होमका संचालक ब्रीदेब महतोको विशेष पहलमा सो स्थानमा निःशुल्क शिविर सम्पन्न गरेको हो ।

मधेसको ग्रामिण भेमा महिलाहरुको शारीरिक समस्या जस्तैः पाठेघरमा समस्या देखिनु, आङ खस्नु,खुट्टाको गुडा दुख्ने आदि जस्ता समस्या परेको बिरामीको चेकजाँचको लागि निःशुल्क शिविर सँचालन गरेको सँचालक महतोले बताए ।

यसको साथै, महिलाहरुको पाठेघरमा समस्या परेका बिरामिलाई सिरहाको लाहानमा अबस्थित कामना नर्सिङ होममा ५० प्रतिशत छुटमा उपचार भइरहेको समेत कामना नर्सिङ होम प्रशासन शाखाका प्रमुख रोशन कुशवाहाले जानकारी दिए ।