बालविकास शिक्षकहरुको तलब भुलवंश आंशिक्षक गएको थियो, बाँकी आजै भुक्तानी हुन्छः शिक्षक यादव

न्यूज ब्यूरो, जनकपुरधाम । धनुषाको शहिदनगर नगरपालिकाको केही विद्यालयको कर्मचारीको भुलवंश आंशिक तलब गएपछि २ घण्टा धर्ना दिएका शिक्षक शिक्षिकाहरुहरुको धर्ना समाप्त भएको छ ।

नेपाल राष्ट्रिय शिक्षक सँगठनका सचिव समेत रहेका शिक्षक विश्वनाथ यादवले नगरपालिकाको प्रणालीबाट भुलवंश विद्यालयका बालविकास तर्फका कर्मचारीहरुको तलब आंशिक गएपछि बुधबार नै सुधार गरिदिएपछि आन्दोलन समाप्त भएको बताएका छन् ।

शहिदनगर नगरपालिका अन्तर्गत रहेको समुदायिक विद्यालयको केही कर्मचारीहरुको भुलवंश आंशिक तलब मात्र गएपछि उनीहरु आन्दोलित भएको थियो । आन्दोलन स्वरुप बुधबार दिउँसो २ घण्टा उनीहरुले शहिदनगर नगरपालिका कार्यालयको अगाडी धर्ना दिएपनि अबेरसम्म सहमति भएपछि आन्दोलन समाप्त भएको बताए ।

राष्ट्रिय प्राथमिक विद्यालय बालाबाखरका शिक्षक समेत रहेका सचिव यादवले नगरपालिकाको शिक्षा शाखाबाट भुलवंश आंशिक तलब गएको र बाँकीको तलब विहिबार (आज) नै भुक्तानी गरिने सहमतिपछि आन्दोलन समाप्त भएको बताए ।

उनले शिक्षा शाखाका श्रोतव्यक्ति धनेश्वर यादवलाई आंशिक तलबको बारेमा पटक पटक जानकारी गराएको बताउँदै चासो नलिँदा बुधबार करिब २ घण्टा धर्ना दिएपछि आन्दोलित शिक्षक र नगरपालिकाबीच सहमति भएको बताए ।

शिक्षक यादवका अनुसार, विहिबार बाँकीको तलब भुक्तानी निकासा हुने सहमति भएको हो । उनले भने, –“मेयर साहब आफैँ छलफलमा बसेर सहमति जुटाउनुभयो ।” ।

आन्दोलनमा समेत सहभागीत भएका शिक्षक यादवले बालविकासका शिक्षक शिक्षिकाहरुलाई काँखापाखा गरेको सन्दर्भमा मेयरको तर्फबाट त्यस्तो केही पनि नभएको बताउँदै आफूहरुले त्यस्तो कुनै पनि प्रतिक्रिया नदिएको बताए ।

समाजिक सँजालमा मेयर बरबरियाले आफू निकट शिक्षकलाई मात्र तलब दिएको जस्ता टिकाटिप्पणीको सन्दर्भमा उनले आफूहरु यस्तो कुनै पनि प्रतिक्रिया नदिएको सुनाए । उनले भने,–“त्यसमध्येबाट कसैले केही भनिदिएको होला, तर आफूहरुको त्यस्तो केही पनि छैन । बरु मेयर साहबले नै छलफलमा बोलाएर तत्कालै सहमति जुटाउनुभयो ।”

उनका अनुसार, नगर प्रमुख बरबरियालाई समस्याबारे बताएपछि उनले समस्या समाधानको लागि तत्कालै निर्देशन दिएको बताए । सहमतिको क्रममा मेयर बरबरिया आफैँ बसेर शिक्षक प्रतिनीधिहरुसँग छलफल गरी सहमति जुटाएको उनले थपे ।

बालविकास तर्फको शिक्षक शिक्षिकाहरुको आंशिक तलबको बारेमा नगर प्रमुखलाई जानकारी नभएको उनले बताए । उनले शिक्षा शाखालाई पटक पटक जानकारी गराएको स्वीकारे ।

सोही सन्दर्भमा शहिदनगरका नगर प्रमुख बरबरियाले शिक्षा शाखाबाट ढिलासुस्ती भएको स्वीकार गर्दै बुधबार (हिजो) नै शिक्षकहरुको समस्या समाधानको लागि पहलकदमी भएको दाबी गरे ।

उनले विहिबार तलब अपुग भएको शिक्षक शिक्षिकाहरुको बाँकीको तलबको लागि निकासा हुने जानकारी दिए । शिक्षक शिक्षिकाहरुको आंशिक तलबको बारेमा बुधबार नै जानकारी पाएको भन्दै जानकारी पाएलगत्तै समस्या समाधानको लागि पहलकदमी गरेको दाबी गरे ।

बालविकासका कर्मचारीहरुलाई कोहीलाई १५ हजार, कोहीलाई ८ हजार त कोहीलाई ६ हजार गरी तलब मात्र खातामा गएपछि उनीहरु २ घण्टा धर्ना दिएको थियो ।

यस सन्दर्भमा शिक्षा शाखाका श्रोत व्यक्ति धनेश्वर यादवसँग सम्पर्क गर्न खोज्दा फोन उठेनन् ।