जसपा छाडेर भाग्दै नेताहरु, पुनः जसपाका एक वडाध्यक्ष माओवादीमा

न्यूज ब्यूरो, जनकपुरधाम । उपेन्द्र यादव नेतृत्वको जनता समाजवादी पार्टी (जसपा) नेपाल छाडेर नेताहरुको भाग्ने क्रम जारी रहेको छ ।

सोही क्रममा सोमबार धनुषाको धनुषाधाम नगरपालिकाका एक वडाध्यक्ष जसपा छाडेर माओवादीमा गएका छन् । धनुषाधाम नगरपालिका वडा नम्बर ९ स्थित आयोजना गरिएको पार्टी प्रवेश कार्यक्रममा प्रवेश गरेको हो ।

माओवादी पार्टीको धनुषाधाम नगरपालिकाद्धारा आयोजित पार्टी प्रवेश कार्यक्रममा जनता समाजवादी पार्टीको वडा अध्यक्ष नागेन्द्र यादव (नागे) ले जनता समाजवादी पार्टी परित्याग गरि माओवादीमा प्रवेश गरेका हुन् ।

धनुषाधाम नगर अध्यक्ष विश्णी यादवको अध्यक्षता तथा मातृकाप्रसाद यादवको प्रमुख आतिथ्यमा भएको कार्यक्रममा यादव सहित ७९ जनालाई पूर्वमन्त्री तथा धनुषा निर्वाचन क्षेत्र १ का सांसद समेत रहेका नेता मातृकाप्रसाद यादवले अबीर, माला लगाएर सम्मान गर्दै प्रवेश गराएको हो ।

केही दिनअघि मात्र वीरगँजका मेयर विजय सरावगी समेत जसपा छाडेर एमालेमा प्रवेश गरेका थिए । जसपा छाडेर नेताहरु भाग्दैछन् भने कैयौँ नेताहरु जसपामा आउने क्रम पनि जारी रहेको छ ।

पार्टी प्रवेश कार्यक्रममा माओवादी धनुषा सह इन्चार्ज झल्कु यादव,धनुषा अध्यक्ष दिपक यादव,प्रदेश सदस्य श्याम यादव,जोगेश्वर महतो,सहिद परिवार नथुनी महतो,सुरेश दास,रन्जित यादव,वाइसीएल जिल्ला अध्यक्ष सन्जय कुमार शर्मा,वाइसीएल जिल्ला इन्चार्ज सरोज कुमार यादव,कारिराम यादव राम बलि यादव लगाईत्का नेता तथा कार्याकर्ता हरुको उपस्थितिमा जसपा र नेपाली काङ्ग्रेसका स्थानीय कार्याकर्ता माओवादी केन्द्रमा प्रवेश गरिएको हो।