माओवादी रफ्तारमा छः प्रदेश उपाध्यक्ष पासवान

न्यूज ब्यूरो, जनकपुरधाम । नेपाल कम्यूनिष्ट पार्टी माओवादी केन्द्रका युवा सँगठन वाईसिएलका मधेश प्रदेश उपाध्यक्ष अनिल कुमार पासवानले माओवादी आफ्नो पिकअपमा रहेको बताएका छन् ।

केन्द्रदेखि स्थानीय तहसम्म हर्कतमा आएका माओवादी केन्द्र धनुषामा अहिले संगठन विस्तारको क्रमलाई तीब्रता दिएको पासवानले बताएका छन् ।

शनिबार धनुषा जिल्लाको औरही गाउँपालिका वडा नम्बर २ परवाहास्थित राखेको वृहत बैठकबाट औरही गाउँपालिकाको लागि वाईसिएलको १५१ नगर कमिटी गठन गर्दै उनले स्थानीय तहको चुनावमा झन सक्रियता बढाउनुपर्ने बताए ।

वाइसिएलका नेता विजय दासको अध्यक्षता तथा वाईसिएल मधेश प्रदेश उपाध्यक्ष पासवानको प्रमुख आतिथ्यमा सम्पन्न नगर अधिवेशनबाट विजय दासलाई नगर कमिटिको अध्यक्षको रुपमा चयन गरिएको हो ।

वाइसीएलका जिल्ला इन्चार्ज सरोज यादवको विशिष्ट आतिथ्यमा आयोजित बैठकबाट नयाँ नेतृत्व चयन गरेको हो । अतिथिको रुपमा नेकपा माओवादीका गाउँपालिका सचीव सन्जिव शर्मा, वाइसीएल प्रदेश समिति सदस्य राजिव शर्मा, पार्टी वाडा अध्यक्ष रिझन मण्डल, विजय प्रसाद साह, बैजनाथ साह लगायको उपस्थितिमा पालिका अधिवेशन सम्पन्न भएको हो ।

जनसंस्कृति मञ्च प्रदेश अध्यक्ष क।राजेश सक्सेना प्रदेश समिति सदस्य राजिव शर्मा, विद्यार्थी नेता बिम्लेन्द्र अधिकारी लगायतका नेता कार्यकर्ताहरुको उपस्थितिमा १५१ सदस्यीय गाउँपालिका कमिटी निर्माण गरिएको हो ।