नेपाली काँग्रेस धनुषाको मतगणना सुरु, सभापतिमा यादव अगाडी, प्रसैला पछाडी

न्यूज ब्यूरो, जनकपुरधाम । नेपाली काँग्रेस धनुषाको १४ औँ अधिवेशन अन्तर्गत सोमबार सम्पन्न मतदान प्रक्रियाको मतगणना सुरु भएको छ ।

नेपाली काँग्रेस धनुषाको सभापतिको लागि मँगलबार दिउँसो करिब २ः४५ बजेदेखि सुरु भएको मतगणनाको क्रममा कुल १०१ मत गणना हुँदा सँस्थापन पक्षका सँतोष यादव अगाडी रहेका छन् ।

सभापतिको लागि उम्मेदवारी दिएका सँतोष यादव अगाडी रहेका छन् भने सबभन्दा कम मत दिनेश प्रसैलाको रहेको छ ।

कुल १०१ मत गणना हुँदा सँतोष यादवको ५२ मत, योगेन्द्र पँजीयारको ३४ मत र दिनेश प्रसैलाको ११ मत गणना भएको छ । अहिले धनुषा निर्वाचन क्षेत्र नम्बर ४ को मतपेटिका गणना सुरु भएको छ ।

सो गणना भएको मतमध्ये ४ वटा मत बदर भएको निर्वाचन अधिकृतले जनाएको छ । निर्वाचन क्षेत्र नं. ४ कुल ६९१ मत खसेको थियो ।