मधेश प्रदेशः बस र कन्टेन्टर ठोक्किदाँ एक जनाको मृत्यू, तीनको अवस्था गम्भिर

न्यूज ब्यूरो, महोत्तरी । महोत्तरीको बर्दिबासमा कन्टेनर र ट्रक एक आपसमा ठोक्किँदा एकजनाको मृत्यु भएको छ भने अन्य तीनजना गम्भीर घाइते भएका छन् ।

बर्दिबास नगरपालिका ५ जंघा पुलमा भएको दुर्घटनामा ट्रक चालक महोत्तरीको बर्दिबास नगरपालिका वडा नम्बर ३ पाटुका ३० बर्षीय रुपेश बरायलीको मृत्यु भएको प्रहरीले जनाएको छ ।

उनको शुभ स्वस्तिक अस्पताल बर्दिबासमा उपचारको क्रममा मृत्यु भएको महोत्तरीका प्रहरी प्रवक्ता डिएसपी प्रकाश विष्टले जानकारी दिए ।

दुर्घटनामा कन्टेनर चालक ललितपुर माहाकाल गाउँपालिका वडा नम्बर ३ का ४२ वर्षीय राजु लामा, ट्रकमा सवार सर्लाहीको ईश्वरपुर नगरपालिका वडा नम्बर १२ घाँरीबथान बस्ने २२ वर्षीया सुजता खड्का र सहचालक निरज परियार गम्भीर घाइते भएका छन् ।

लामालाई थप उपचारको लागि काठमाडौं पठाइएको छ भने खड्का र परियारको बर्दिबासको एक अस्पतालमा उपचार भइरहेको प्रहरीले जनाएको छ ।

डिएसपी विष्टका अनुसार आज साँझ पूर्वपश्चिम महेन्द्र राजमार्गअन्तर्गत बर्दिबासबाट पश्चिम तिर जाँदै गरेको ना ३ ख ६९६४ नम्बरको ट्रक र विपरित दशाबाट भुस लोड गरेर आउँदै गरेको प्र १–०२–००१ ख ९०९७ नम्बरको ट्रक एक आपसमा ठोक्किँएको हो ।

घटना सम्बन्धमा थप अनुसन्धान भईरहेको डिएसपी विष्टले बताए ।