ट्रयाक्टर दुर्घटना अपडेटः गम्भिर घाईते दुवै महिलालाई विराटनगर रिफर !

न्यूज ब्यूरो, जनकपुरधाम । ट्रयाक्टर दुर्घटनामा परी गम्भिर घाईते भएकी दुई महिलालाई थप उपचारको लागि विराटनगर रिफर गरिएको छ ।

शुक्रबार दिउँसो करिब ४ बजेको समयमा धनुषाको कमला नगरपालिका वडा नम्बर ४ बरेरबास्थित भएको ट्रयाक्टर दुर्घटनामा परी एक महिलाको घटनास्थलमै ज्यान गएको थियो भने दुई महिला गम्भिर घाईते भएकी हुन् ।

बरेरबास्थितबाट बालुवा लोड गरी ल्याउँदै गरेको अवस्थामा बरेरबा र साघाराको बीचमा रहेको सोना पुलस्थित गफ गर्दै गरेकी तीन महिलामाथि ट्रयाक्टरको टेलारी चढेको थियो ।

ज १ त ७१५८ नम्बरको ट्रयाक्टरले किच्दा कमला नगरपालिका वडा नम्बर ४ बरेरबा बस्ने अशेश्वर अरगरियाकी ५० बर्षिय श्रीमति लीलादेवी अरगरियाको घटनास्थलमै मृत्यू भयो भने सोही दुर्घटनामा परी स्थानीय गँगाई साहकी ७० बर्षिय श्रीमति सकुन्तला देवी साहको टाउकोमा गम्भिर चोट लागेको र देव कुमारी मुखियाको पैताला नै काटिएको हो ।

दुवै जनालाई प्रादेशिक अस्पताल जनकपुरबाट शुक्रबार बेलुकी नै थप उपचारको लागि विराटनगर रिफर गरिएको जनाइएको छ ।