यसपालीको चुनावमा ८० वटा पार्टी चुनाव लडने, डा. सिके राउतको पार्टी एक नम्बरमा

न्यूज ब्यूरो, जनकपुरधाम । स्थानीय तह निर्वाचनका लागि निर्वाचन आयोगमा हालसम्म ८० ओटा दल दर्ता भएका छन्।

निर्वाचन आयोगले खुला गरेको दल दर्ताको समयमा ८० ओटा दलहरू दर्ता गराइएको आयोगले जनाएको छ।

दर्ता भएका दलहरूको सूचीको पहिलो नम्बरमा सीके राउत नेतृत्वको जनमत पार्टी छ भने ८० औं नम्बरमा नेपाल कम्युनिष्ट पार्टी छ। सरकारले ३० वैशाखमा स्थानीय तह निर्वाचन घोषणा गरेपछि आयोगले त्यसको तयारी थालेको छ।

निर्वाचन आयोगले जारी गरेको ८० दल दर्ताको सूचि अनुसार सबभन्दा शिर्ष अर्थात एक नम्बरमा डा. सिके राउत नेतृत्वको जनमत पार्टी दर्ता रहेको देखिएको छ ।

दुई नम्बरमा मँगोल नेश्नल अर्गनाइजेशन पार्टी रहेको छ भने तेस्रो नम्बरमा नेपाल मजदुर किसान पार्टीको नाम दर्ता रहेको देखिएको छ ।

सूचिको ३५ नम्बरमा नेकपा माओवादी केन्द्र, ३८ नम्बरमा नेकपा एमाले, ७० नम्बरमा नेपाली काँग्रेस, ७८ नम्बरमा जसपा नेपाल रहेको छ । जसपाबाटै छुटेको लोकतान्त्रिक समाजवादी पार्टी भने ८ नम्बरमा दर्ता रहेको छ ।