धनुषाको जुडीमाई यूवा क्लबको अध्यक्षमा साह सर्वसम्मत

न्यूज ब्यूरो, धनुषा । धनुषाको गणेशमान चारनाथ नगरपालिकास्थित रहेको जुडीमाई युवा क्लबको अध्यक्षमा अनिल कुमार साहलाई पुनः सर्वसम्मतले चयन गरिएको छ ।

गणेशमान चारनाथ नगरपालिका वडा नम्बर ३ जुडीस्थित रहेको सो क्लबको अध्यक्षको लागि साहलाई सदस्यहरुले सर्वसहमति दिएको हो ।

२०७८ सालमै स्थापना भएको क्लबको ६ महिनाको कार्यकालको लागि साहलाई सर्वसहमतिले चयन गरिएको हो ।

क्लबको उपाध्यक्षमा काशि साह, सचिवमा शिव कुमार मण्डल, कोषाध्यक्षमा प्रमिला देवी यादव, सह सचिवमा रामराजी देवी साहलाई चयन गरिएको छ ।

क्लबको सदस्यहरुमा किसुन दास, राम अशिष दास, सँतोष साह, वीरेन्द्र कुमार यादव, सुनिल दनुवार लगायतलाई चयन गरिएको हो ।

क्लबले स्थापनाकालदेखि नै समाजिक कुरिति, बालविवाह, समाजिक अपराध, कुसँस्कृतिविरुद्ध निरन्तर साकारात्मक कार्यहरु गर्दै आएको छ ।