'बिदेशी दलाल होशियार , MCC चाहिदैन, देश बेच्न पाइदैन' भन्दै सिरहामा युवा संघ नेपालको प्रदर्शन

सबिन यादव , सिरहा । मधेस प्रदेशको सिरहामा आईतबार एमसिसिको विरुद्धमा नेकपा एकीकृत समाजवादीको भात् संगठनका युवासंघ नेपालले बिरोध प्रदर्शन गरेको छ ।

अमेरिक सहयोग एमसिसिको विरुद्धमा युवा संघका कार्यकर्ताहरुले “एमसिसि चाहिदैन, देश बेच्न पाइदैन, बिदेशी दलालहरु होसियार , होशियार , युवासंघ नेपाल जिन्दावाद , कलम छाप जिन्दावाद” भन्दै सिरहामा बिरोध प्रदर्शन गरेको हो ।

सिरहाको युवासंघ नेपालका जिल्ला सभापति राजेश यादवको नेतृत्वमा बिरोध प्रदर्शन कार्यक्रम गरिएको थियो । सयौँ कार्यकर्ताको सहभागीतामा सिरहामा एमसिसि विरुद्ध नारावाजी गरिएको हो ।

सिरहाको हेमनारायण चौक हुँदै महावीर चौकमा परिक्रमा गरि हेमनारायण चौकमा कोणसभा गरेका थिए । कोणसभामा युवा संघका रबिन्द्र साह प्रदेश कमिति सदस्य , अमिरी यादव प्रदेश कमिटी सदस्य , र युवा संघका जिल्ला सभापति राजेश यादवले सम्बोधन गरेका थिए ।

सम्बोधन गर्दै अध्यक्ष यादवले “एमसिसिको विरुद्धमा आज जुन आदोलन भयो यदि यो आन्दोलन बाट एमसिसि फिर्ता नलिए हामी चरम बिरुद्ध रुपमा आन्दोलनमा जानेछौ ।” भने ।