भोली आईतबार सार्वजनिक विदा

न्यूज ब्यूरो, जनकपुरधाम । भोली आईतबार मधेश प्रदेशमा सार्वजनिक विदा रहने भएको छ । मधेश प्रदेश सरकारले भोली सार्वजनिक विदाको घोषणा गरेको हो ।

भोली फागुन १ गते २७ औँ जनयुद्ध दिवसको अवसर पारेर एक दिने सार्वजनिक विदाको घोषणा गरिएको हो ।

मधेश प्रदेश सरकारको आन्तरिक मामिला तथा सँचार मन्त्रालयले एक विज्ञप्ति जारी गरी भोली आईतबार एक दिने सार्वजनिक विदाको घोषणा गरेको हो ।

सार्वजनिक विदाको लागि प्रदेश सरकारको मन्त्रीपरिषदले निर्णय गर्ने भएपनि आन्तरिक मामिला तथा सँचार मन्त्री भरत प्रसाद साहको नीजि सचिवालयले विज्ञप्ति जारी गरी सार्वजनिक विदाको जानकारी दिएका हो ।

मन्त्रीको नीजि सचिवालयबाट विदा सम्बन्धी जानकारीको विज्ञप्ति जारी भएपनि समाजिक सँजालमा आलोचना समेत भएको छ । मन्त्रीपरिषद स्तरीय निर्णयलाई नीजि सचिवालयको लेटरहेडमा सूचना दिएपछि समाजिक सँजालमा आलोचना भएको हो ।