शहिदनगर नगरपालिकामा नेपाली काँग्रेस पार्टीबाट पुस्कर मण्डलले मेयरमा उम्मेदवारी दिने घोषणा

न्यूज ब्यूरो, जनकपुरधाम । निरन्तर चर्चामा रहँदै आएको धनुषाको शहिदनगर नगरपालिकाको मेयरको लागि यसपालीको चुनावमा नेपाली काँग्रेसबाट पुस्कर कुमार देव मण्डलले उम्मेदवारी घोषणा गरेका छन् ।

नेपाली काँग्रेस पार्टीको तर्फबाट उनले आफू शहिदनगरको मेयरको लागि उम्मेदवारी घोषणा गरेका छन् । आउँदो बैशाख ३० गते तोकिएको स्थानीय तहको चुनावमा उनले आफू उम्मेदवारी दिने जनाएक छन् ।

शहिदनगर नगरपालिका वडा नम्बर ३ यदुकूहा बस्ने पुस्कर कुमार देव मण्डल राजनीतिमा हालै सक्रियता देखाउँदै उनले नगर प्रमुखको लािग उम्मेदवारी दिने भएका छन् ।

विहिबार एक प्रेस विज्ञप्ति जारी गर्दै मण्डलले २०७९ साल बैशाख ३० गते हुने स्थानीय तह चुनावमा शहिदनगरको मेयरको लागि उम्मेदवारी दिने घोषणा गरेका छन् । शहिदनगरमा नेपाली काँग्रेसबाट अन्य पनि कैयौँ जना दाबेबारले उम्मेदवारी दिने भएको छ ।

गत स्थानीय तहको चुनावमा नेकपा माओवादी केन्द्रबाट निर्वाचित भएका चर्चित मेयर उदय कुमार बरबरिया (यादव) सँग नेपाली काँग्रेसबाटै देबेन्द्र भर्खेर पराजित भएका थिए ।