मधेश प्रदेशमा फेरी एक राज्यमन्त्री थपिए, मुख्यमन्त्रीले खुवाए किरिया

न्यूज ब्यूरो, जनकपुरधाम । मधेश प्रदेश सरकारमा थप एक राज्यमन्त्री थपिएको छ । मधेश प्रदेशको मन्त्रीमण्डलमा आईतबार थप एक राज्यमन्त्री थपिएको हो ।

मधेश प्रदेशका मुख्यमन्त्री लालबाबु राउतले नेकपा (एकीकृत समाजवादी) बाट राज्यमन्त्री बनेका नागेन्द्र राय (यादव) लाई सपथ (किरिया) खुवाएका हुन् ।

प्रदेश प्रमुख हरिशंकर मिश्रको उपस्थितिमा मुख्यमन्त्री राउतले उद्योग, पर्यटन, वन तथा वातावरण मन्त्रालयको राज्यमन्त्रीमा नियुक्त भएका नेकपा एसका प्रदेश सभा सदस्य यादवलाई सपथ गराएको हो ।