मधेशका किसानहरुको मुक्तिको लागि जँजीर जुलुस

न्यूज ब्यूरो, जनकपुरधाम । एक महिनाभन्दा अधिक दिनदेखि निरन्तर जारी रहेको किसान आन्दोलनको क्रममा शनिबार जँजीर जुलुस प्रदर्शन गरिएको छ ।

विगत १ महिना ६ दिनदेखि निरन्तर जारी राखिएको किसान आन्दोलनबाट अझै पनि प्रदेश सरकार वा संघीय सरकारले कुनै सुनुवाई नगरेको भन्दै पूर्व घोषित कार्यक्रम अनुसार शनिबार जँजीर जुलुस प्रदर्शन गरिएको हो ।

मधेशको विभिन्न जिल्लामा डा. सिके राउत नेतृत्वको जनमत पार्टी र किसानहरुले हातमा जँजीर लगाएर प्रदर्शन गरेको छ । राजधानी जनकपुरधामस्थित काठमान्डौँसम्म प्रदर्शन गरेको हो ।

मधेशको धनुषा, महोत्तरी, सिरहा, सप्तरी, रौतहट, बारा, पर्सा, कपिलवस्तु लगायतको जिल्लाहरुमा किसानहरुले हातमा जँजीर बाँधेर साँकेतिक प्रदर्शन गरेको हो ।

उनीहरुले मधेशका किसानहरु अहिले पनि आफ्नो हक अधिकारबाट बँचित गरिएको र किसानलाई सरकारले जँजीरमा जकडिएको भन्दै त्यसबाट मुक्तीको लागि किसान आन्दोलन गरेको बताइएको छ ।