"कान्छो मेयर" प्रदेशको एकल प्रतिनीधि, UNDP पनि प्रभावित

न्यूज ब्यूरो ||
जनकपुरधाम, १२ चैत्त । नेपालकै सबभन्दा कान्छो मेयर उदय कुमार बरबरियालाई नचिन्ने पनि धेरै कम होलान् ।

लोक सेवाको किताबहरुमा समेत नाम आईसकेको कान्छो मेयर बरबरिया आफनो कामले केही दिन यता निरन्तर चर्चामा रहदै आएको छ ।

यता, आज काठमान्डौँमा भएको एक कार्यक्रममा समेत मेयर बरबरियाले सँघ सँस्थाहरुलाई समेत प्रभावित गरेका छन् ।

भिषण बाढीका कारण विस्थापित भएका गरिब सर्वसाधारणहरुलाई पुनःस्थापित गर्नको लागि गरिएको क्लोजिँग सेरेमोनी अफ पोष्ट फ्लड प्रोजेक्ट बाढीबाट विस्थापित वा प्रभावितलाई पुनःस्थापना सम्बन्धि परियोजनाको बन्द सत्रमा प्रदेश नं. २ बाट एकल प्रतिनीधित्व गर्दै मेयर बरबरियाले आफ्नो शब्दबाट सबैलाई प्रभावित पार्न सफल भएका छन् ।

के के भने कान्छो मेयर भिडियोमा

प्रदेश नं. २ बाट एकल प्रतिनीधिको रुपमा सहभागी भएका बरबरियाले अँग्रेजी भाषामै निर्वाध बोलेर धनुषा सहित प्रदेशको बारेमा, वर्तमान स्थिति, बाढी पहिरोको क्षति, पूर्वाअनुमान र उपायहरुबारे प्रकाश पारेका थिए ।

धनुषा शहिदनगर नगरपालिकाका नगर प्रमुख बनेपछि उनले गरेका कार्यहरुको मूल्याँकन गर्दै युएनडीपीले बरबरियालाई कार्यक्रममा सहभागी हुन आग्रह गरेको थियो ।

प्रदेशमै स्थानीय सरकार सँचालनको मामिलामा अति सख्त र सक्रिय मानिएका कान्छो मेयर बरबरियाले ७ महिनाभित्र गरेका कार्यहरुको मूल्याँकन गर्दै बरबरियालाई प्रदेशबाटै एकल प्रतिनीधिको रुपमा प्रतिनीधित्व गर्न आग्रह गरिएको मेयर बरबरियाले न्यूज ब्यूरोसँग भने ।

प्रदेश २ बाट स्थानीय तहको लागि प्रतिनीधित्व गर्दै बरबरियाले प्रदेशको समस्या र चाहिने आयोजनाहरुको बारेमा सुझाएका थिए ।

चीनीयाँ राजदुत हुँ चौँ को प्रमुख आतिथ्यमा सम्पन्न उक्त कार्यक्रममा बाढी र बाढी पीडितको पुनस्थापना, उपायबारे गहन छलफलपछि सल्लाह सुझाव लिइएको थियो ।

कार्यक्रम UNDP , USAID , CIC को सँयुक्त रुपमा आयोजना गरेको थियो ।