सामुदायिक भवनबाट समाजमा ठूलो सहयोग हुन्छः नेता ढुंगाना

न्यूज ब्यूरो, जनकपुरधाम । नेपाली काङ्ग्रेस पार्टीका नेता आनन्द प्रसाद ढुंगानाले एक कार्यक्रम बिच एक सामुदायिक भवनको शिलान्यास गरेका छन् ।

शिलान्यास गर्दै नेता ढुंगानाले समाजमा समाजिक कार्य गर्न सामुदायिक भवनबाट स्थानीय नागरिकहरु लाभान्वित हुने बताए ।

धनुषाधाम नगरपालिका वडा नम्बर १ धनुषाधाम (खोईर) स्थित सामुदायिक भवनको शिलान्यास गर्दै उनले समुदायिक भवनले विपन्न परिवारको लागि कोशेढुँगा साबित हुने बताए ।

करिब ६५ लाखको योजना तराई मधेश अन्तर्गत ३० लाख नगरपालिका बाट ३५ लाख योजना छुट्टाई सामुदायिक भवनको टेन्डर अहवान गरि यदुवंशी कन्स्ट्रक्सन लाई ठेक्का परिएको छ । शिलान्यास कार्यक्रममा हिन्दु धर्म अनुसार विधिवत रुपमा पुजापाठ गरि शिलान्यास गरिएको छ ।

सो कार्यक्रममा पूर्व साँसद पुस्पालाता लामा, धनुषाधाम नगरपालिकाका नगरप्रमुख बालेश्वर मण्डल ,उप प्रमुख बिध्यादेवी भुजेल,महाधिवेशन प्रतिनिधि प्रदिप यादव ,क्षेत्रीय सभापति जितनारायाण यादव लगायत स्थानीयहरुको उपस्थिति थियो ।