सिरहा जिल्ला अस्पतालमा बच्चालाई औषधीको ओभरडोज दिएपछि मृत्यूः परिवारजन

न्यूज ब्यूरो, सिरहा । प्रदेश २ को सिरहा जिल्ला अस्पतालमा एक बच्चाको मृत्यू भएपछि परिवारजनले स्वास्थ्यकर्मीको दोष देखाउँदै कारवाहीको लागि प्रशासन गुहारेका छन्

जिल्ला अस्पताल सिरहामा औरही गाउँपालिका वडा नम्बर ४ ईटाटार बस्ने बब्लु यादवले आफ्नी छोरीलाई अस्पतालको लापरवाहीले मृत्यू भएको दाबी गर्दै प्रशासनमा निवेदन दिएका छन् ।

गत पुस २८ गते बिहान आफ्नी तीन महिने छोरी माही यादवलाई समान्य पखाला लागेपछि उपचारको लागि अस्पताल भर्ना गरेको थियो । त्यतिबेला सिएमए र एच.ए. ले उपचार गर्दै थियो ।

माहीको अवस्था बिग्रदैँ जाँदा बब्लुले उपचारमा सँलग्न सिएमए र एच.ए. स्वास्थ्यकर्मीलाई डाक्टर बोलाउन आग्रह गरेका थिए । तर, उनीहरुले त्यतिबेलासम्म औषधीको ओभर डोज दिएपछि मृत्यू भएको आरोप सहित सिडिओ कार्यालयमा निवेदन दिएको हो ।

अस्पतालमा दिएको औषधीको विवरण

२७ गते राती अर्थात २८ गते बिहान १ बजेको समयमा अस्पतालमा भर्ना गरेको तथा बिहान १० बजेसम्म विशेषज्ञ डाक्टर उपलब्ध नहुँदा माही यादवको ज्यान गएको आरोप उनका बुवा बब्लुले लगाएका छन् ।

सिएमए र एच.ए. ले समान्य पखालामा औषधीको गलत प्रयोग गरेपछि बच्चाको ज्यान गएको आरोप लगाएको हो । उनलाई अबेरसम्म ईमरजेन्सी कक्षमा राखेर उपचार गर्दा पनि विशेषज्ञ चिकित्क नआउँदा ज्यान गएको बताइएको छ ।

छोरीको मृत्यूपछि आफू अन्यायमा परेको भन्दै जिल्ला प्रशासन कार्यालय सिरहामा उजुरी दिएका छन् । उनले अध्यक्ष डाक्टरको लापरवाही र अटेरीको कारण छोरीको ज्यान गएको भन्दै कारवाहीको लागि माग गरिएको हो ।