जनकपुरमा चिनियाँ राजदुत यान्छीको पुतला दहन, गुञ्जियो 'Go Back China'

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित चिनियाँ राजदुत होउ यान्छीको पुतला दहन गरिएको छ ।

चिनिया बिस्तरवाद बढेको भन्दै जनकपुरको जनक चौकस्थित राष्ट्रीय एकता अभियानले राजदुत यान्छीको पुतला दहन गरेको हो ।

अभियानका जनकपुर संयोजक मनीष हिन्दूको नेतृत्वमा गरिएको प्रदर्शनमा चिनियाँ राजदूत यान्छीको पुतला दहन गरिएको हो ।

“गो ब्याक चाइना, चिनिया हस्तक्षेप बंद गर, सीमा अतिक्रमण बंद गर, अघोषित नकाबन्दी खुला गर, नेपाली बिधार्थीहरुको पढ़ाई सुचारु गर” जस्ता नारा उक्त प्रदर्शनमा लगाइएको थियो ।

उनीहरुले चीनले नेपालको उत्तरी सीमा मिचेको भन्दै चाईना विरुद्ध समेत नारावाजी गरेको हो ।