काँग्रेसको धनुषा सभापतिको लागि मेयर पँजीयारको उम्मेदवारी घोषणा

न्यूज ब्यूरो, जनकपुरधाम । नेपाली कांग्रेस धनुषाको सभापतीमा क्षिरेश्वरनाथ नगरपालिकाका मेयर योगेन्द्र पजियारले उम्मेदवारी घोषणा गरेका छन् ।

बुधबार जनकपुरधाममा आयोजित एक पत्रकार सम्मेलनमा पजियारले बिमलेन्द्र निधी समुहको तर्फबाट जिल्ला सभापतीमा उम्मेदवारी घोषणा गरेका हुन ।

प्रदेश २ संसदिय दलका नेता तथा प्रदेश २ सरकारका भौतीक पुर्वाधार विकास मन्त्री रामसरोज यादवले पजियारको नाम प्रस्ताव गरेका थिए भने वर्तमान धनुषा सभापती महेशशंकर गिरीले यादवको प्रस्तावलाई समर्थन गरेका थिए ।

धनुषा सभापतीमा संस्थापन पक्षबाट वर्तमान उपसभापती सन्तोष यादव, पुर्व सांसद दिनेश प्रसैला यादव र वर्तमान सचिज बिशेश्वर यादव समेत आकांक्षी छन् ।

पुष २७ गते तय भएको जिल्ला अधिवेशन अव माघ १५ गते हुने बुधवार कांग्रेस केन्द्रिय कार्यालयले सर्कुलेशन जारी गरेको छ ।