शितलहर चलेपछि भोलीदेखि विद्यालय बन्द

न्यूज ब्यूरो, जनकपुरधाम । शितलहर र चिसोको कारण भोली मँगलबारदेखि एक स्थानीय तहको विद्यालयहरु बन्दको निर्णय गरेको छ ।

प्रदेश नम्बर २ को अस्थायी राजधानी जनकपुरधामदेखि लगतै रहेको धनुषाको क्षीरेश्वरनाथ नगरपालिकाले भोली मँगलबारदेखि विद्यालय बन्द गर्ने निर्णय गरेको हो ।

अचानक बढेको चिसो र शितलहरको कारण बालबालिकाहरुमा पर्न सक्ने प्रतिकुल असरलाई मध्यनजर गर्दै मँगलबारदेखि शुक्रबारसम्म अर्थात चार दिन विद्यालय बन्द गर्ने भएको छ ।

क्षीरेश्वरनाथ नगरपालिकाभित्र सँचालनमा रहेको समुदायिक तथा सँस्थागत विद्यालयको प्रतिनीधिसहित शिक्षा शाखाको बैठकबाट भोली मँगलबारदेखि नै विद्यालय बन्द गर्ने निर्णय गरेको हो ।

शुक्रबारसम्म विद्यालय बन्द हुने तथा २४ गते शनिबार नै पर्न गएकोले आगामी आईतबारदेखि मात्र विद्यालयहरु सँचालन गर्न गराउन सूचनामा उल्लेख गरिएको छ ।

नगरपालिकाका निमित्त प्रमुख प्रशासकीय अधिकृत प्रमोद कुमार घिमिरेद्धारा हस्ताक्षरित सो सूचनामा भोलीदेखि सबै विद्यालय बन्द रहने जनाइएको छ ।